"Xəzər Lənkəran" 1 məşqlə kifayətləndi

Qəbələdə təlim-məşq toplantısı olan “Xəzər Lənkəran” bu gün, sentyabrın 4-də bir məşq keçirib. Futbolxeber.az-ın məlumatına görə, komanda saat 10:30-da çıxdığı səhər məşqi ilə kifayətlənib. “Qəbələ” klubunun futbol akademiyasının meydançasında baş tutan və saatyarım davam edən  hazırlıq prossesində bu dəfə də üstünlük taktiki çalışmalara verilib. Bu zaman isə milli komandalara dəvət aldıqları üçün təlim-məşq toplantısına qatılmayan futbolçuların mövqeləri üzrə bölgülər aparılaraq müxtəlif taktiki düzülüşlər yoxlanılıb. Qarşıdakı oyunlarda hücum xəttininin daha effektli çıxışı üçün bir-birindən fərqlənən konbinasiyalar və qapılara müxtəlif məsafələrdən zərbələr üzərində çalışılıb. Axşam məşqini keçirməyəcək "Xəzər Lənkəran"ın növbəti hazırlığı sabah səhərə planlaşdırlıb.