4 Aprel 2025, Cümə
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi
II Liqada XIX tura start verildi

Ölkə futbolu

"Qarabağ"ın legioneri: "Klubun hədəfi Avropada çıxış etməkdir"

"Bu, əla qol idi. Çünki müdafiəçini geridə qoyub qapıçı ilə təkbətək epizoddan maksimum yararlandım. Ozobiçin ötürməsi də çox yaxşı alındı".

Futbolxeber.az saytının məlumatına görə, bunu "Qarabağ"ın futbolçusu Xayme Romero AS nəşrinə açıqlamasında UEFA Çempionlar Liqasının I təsnifat mərhələsinin Makedoniya "Sileks"i ilə oyununda (4:0) rəqibin qapısına vurduğu qol barədə danışarkən deyib.

Matçın 11-ci dəqiqəsində hesabı açan 30 yaşlı vinger belə bir klubda çıxış etdiyi üçün özünü xoşbəxt saydığını bildirib: "Burada hər şey çox yaxşıdır. Şəhər, rahatlıq, bir sözlə, vəziyyət məni qane edir. Ötən mövsüm çempion olduq və UEFA Avropa Liqasında çıxış etdik. "Qarabağ"da özümü rahat hiss edirəm. Vacib hədəflər uğrunda mübarizə məni motivasiya edir".

"Qarabağ"ın Çempionlar Liqasında qrupa düşmək şanslarını dəyərləndirən Romero bildirib ki, bu, çox çətin olacaq: "Çünki növbəti mərhələlərdə güclü rəqiblər olur. Amma klubun hədəfi Avropada çıxış etməkdir. Çempionlar Liqasına düşə bilməsək, Avropa Liqasında ötənilki nəticəni təkrarlamağa çalışacağıq".

Keçmiş komanda yoldaşları Dani Kintana və Miçel Maderadan söz açan futbolçu onlarla yaxşı vaxt keçirdiyini deyib: "Amma onlar məni burada tək qoydular. Xoşbəxtlikdən "Qarabağ"ın əvəzedici komandasında oynayan qardaşım Daniel mənimlə qalır".

Bu həftə Azərbaycan Premyer Liqasının start götürəcəyini xatırladan oyunçu bunun böyük məsuliyyət olduğunu vurğulayıb: "Əsas məqsəd rekordları yaxşılaşdırmaq və ötən mövsümkündən çox qol vurmaqdır".

Qeyd edək ki, Xayme Romero 2019-cu ilin yayından "Qarabağ"da çıxış edir ("Report").

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30