Elxan Məmmədov De Byazinin təyinatından danışdı

AFFA-nın icraçı vitse-prezidenti Elxan Məmmədov De Byazinin milli komandamızın baş məşqçisi təyin olunması haqda danışıb.

Futbolxeber.az saytının məlumatına görə, o, italiyalı mütəxəssisin artıq gələn həftə Bakıda olacağını vurğulayıb:

“Millətlər Liqası öncəsi AFFA İcraiyyə Komitəsi millinin baş məşqçi məsələsi ilə bağlı da qərar qəbul etdi. Artıq gələn həftə De Byazi Bakıda olacaq. Onun klublarımızın məşqlərini izləmək, həmçinin, Premyer Liqanın ən azı 1 turunun oyunlarına baxmaq imkanı olacaq. Təbii ki, klublarımız kimi, milli komandamız üçün də bu cür uzun fasilədən sonra oyun ritminə düşmək asan olmayacaq. Lakin bu, qaçılmazdı və yəqin ki, hər oyunda qələbə üçün daha çox fədakarlıq etmək lazım gələcək”.