Rövnəq Abdullayev: "Hazırda baş məşqçi məsələsi gündəmdə deyil"

“Berti Foqtsla müqaviləmiz hələ bitməyib. O, ilin sonuna kimi postunda qalacaq”. Futbolxeber.az-ın məlumatına görə, bu sözləri AFFA prezidenti Rövnəq Abdullayev deyib. R.Abdullayev jurnalistlərə verdiyi açıqlamada millimizin hazırki çalışdırıcısı Berti Foqtsu Qurban Qurbanovun əvəzləyəci ilə bağlı danışmaq istəməyib: “Bundan sonra 2-3 ay düşünməyə vaxtımız olacaq ki, Avro-2016-nın seçmə mərhələsi üçün baş məşqçi ilə bağlı qərar verək. Hələlik Foqtsu dəyişmək fikrimiz yoxdur. Hazırda bu məsələ gündəmdə deyil. Onun əvəzlənməsi ilə bağlı ad çəkməyək. Bu məsələyə İcraiyyə Komitəsi qərar verəcək. Hələlik isə baş məşqçi Foqtsdur.”