Ruslan Abışov: "İsraildən çəkinmirik"

“Hər şey yaxşıdır. Artıq komandaya qoşulmuşam və işlər qaydasında gedir. İsrail yığması ilə oyuna yaxşı hazırlaşırıq. Oyun təcrübəm az olsa da, bunu hiss etdirməməyə çalışacam". Futbolxeber.az-ın məlumatına görə, bu sözləri milli komandamızın üzvü Ruslan Abışov deyib. "Rubin"in müdafiəçisi jurnalistlərə verdiyi açıqlamada İsraildən çəkinmədiklərini bildirib: "İsrail yığması üçün də çox vacib oyundur. Çünki onlar play-off mərhələsinə vəsiqə qazanmaq istəyirlər. Rəqibdən çəkinmirik. Düzdür, onlar doğma meydanda yaxşı çıxış edir, aqressiv futbol oynayır. Portuqaliya ilə matçda da bunun şahidi olduq. Buna rəğmən, komanda şəklində daha yaxşı oynamağa çalışacağıq. Rəqibdən çəkinməməli, baxımlı futbol sərgiləməliyik”.