Araz Abdullayev: "İsraildən 1 xalla geri dönmək yaxşı olardı"

Bu gün millimizin “Bakcell Arena”da mətbuat üçün açıq məşqi olub. Futbolxeber.az-ın məlumatına görə, yığmamızın və "Neftçi"nin futbolçusu Araz Abdullayev jurnalistlərin suallarını cavablandırıb. Gənc futbolçu hazırda bütün fikrini millinin oyununa yönəltidiyini bildirib: "Komandamızın son turda “Bakı”ya 0:3 hesabı ilə uduzması təbii ki, mənə pis təsir etdi. Bununla belə, yığmanın düşərgəsinə yaxşı əhval-ruhiyyədə qatılmışam. Klubdakı uğursuzluğu unudub, bütün fikrimi yığmanın oyununa yönəltmişəm. Heç kim istəmir ki, İsraildən əliboş qayıtsın. Heç olmasa 1 xalla geri dönmək yaxşı olardı. Hansı cinahda oynamaq mənim üçün elə də böyük önəm kəsb etmir. Millinin baş məşqçisi Berti Foqts məni hansı cinahda yoxlamaq istəsə, orda da əlimdən gələnin ən yaxşısını etməyə çalışacağam”.