Ölkə futbolu
Evimizi sökdülər... YAZI
2006-cı ilin avqustu idi. 2004-cü ildən azarkeşi olduğum “Bakı” klubuna yenicə mətbuat katibi təyin olunmuşdum. Çempionatın 3-cü turunda “Gənclərbirliyi”nə qarşı keçirəcəyimiz oyundan öncə komanda “Delfin otel”də “zbor”da idi.
Futbolda çalışanlar bilir ki, rəsmi oyunlardan 1 gün öncə (bəzən 2 gün də ola bilər) komanda “zbor”a yığışır. O vaxtlar da hələ “Bakı”nın bazası yox idi. Komanda oyunlardan 1 gün öncə o zaman otel kimi fəaliyyət göstərən “Delfin”də məskunlaşırdı. Məşhur otelin 3 korpusundan biri klubun ixtiyarına verilirdi.
Həmin gün komandanın o vaxtkı baş məşqçisi, rəhmətlik Böyükağa Hacıyev hansısa sənəd üçün məni “Delfin”ə çağırmışdı. Bu, “Delfin”ə ilk gəlişim idi. Ona qədər oteldə olmasam da, bilirdim ki, Bakı Sumqayıt şossesinin 9-cu kilometrliyində yerləşən 4 ulduzlu mehmanxana Bakının ən füsunkar, arxitektura quruluşuna görə cəlbedici otellərindən biridir. Şəffaf suyu, bağları, saunası, üzgüçülük hovuzu və restoranları ilə hətta Azərbaycanın hüdudlarından kənarda da məşhurdu. Hə, bir də o dövrdə Türkiyənin ən tanınmış müğənnilərindən olan, tez-tez Bakıya gələn Rafel El Romanın “Delfin”dəki “çapqınlığı” o zaman dillərdə məşhur idi...
...Klubda cəmi 3 gün əvvəl çalışmağa başladığım üçün təbii ki, otelin işçiləri məni tanımırdılar və təxminən yarım saatdan artıq qapıda gözlətdilər. Zaman keçdikcə mən də komanda ilə birgə “zbor”da qalırdım. Daha sonra Böyükağa Hacıyevi baş məşqçi postunda Coko Haciyevski əvəzlədi və makedoniyalının gəlişi ilə mən də “Delfin”in daimi sakininə çevrildim. Makedoniyalı mütəxəssisin “komandaya baza lazımdı” istək-arzusu xələfi Bülənt Qorxmazı gəlişindən sonra reallaşdı.
2009-cu ildə “Delfin” otel kimi fəaliyyətini tam dayandırdı və klubun ixtiyarına verildi. Təxminən ilyarımdan artıq davam edən tikintidən sonra 2011-ci il sentyabrın 8-də Azərbaycan Respublikasının Prezidenti cənab İlham Əliyev “Bakı” futbol klubunun yeni təlim-məşq bazasının istifadəyə verilməsi mərasimində iştirak etdi.
İllər keçdikcə baş məşqçilər də dəyişirdi. Bülənt Qorxmazdan sonra komanda müvəqqəti Cüneyt Biçərə tapşırıldı. Ondan sonra Vinfred Şefer, Aleksandr Starkov, Bojidar Badoviç, Milinko Pantiç və İbrahim Uzunca. Adaşım “Bakı”nın Premyer Liqadakı sonuncu baş məşqçisi kimi tarixdə qaldı.
Baş məşqçilər, futbolçular dəyişsə də, komandanın, bizim evimiz dəyişmirdi. Həmin baza o qədər tarixə şahidlik edib ki... O bazadan onlarla futbolçu çıxıb. Hansı ki hələ bu gün də o futbolçulardan 15-i Premyer Liqada oynayır. O bazadan 2012-ci ildə ölkəmizdə keçirilən 17 yaşadək qızlardan ibarət milli komandalar arasındakı dünya çempionatının bütün iştirakçıları məşq üçün istifadə ediblər (Hələ mən onu demirəm ki, həmin mundialın iştirakçılarının məşqi üçün stadion çatışmazlığı var idi və “Bakı”nın bazası tez istifadəyə verilməsəydi, bəlkə də dünya çempionatı Azərbaycandan alınacaqdı).
O bazada kimlər məşq etməyib ki... Portuqaliya, Türkiyə kimi millilər... Kriştiano Ronaldo, Arda Turan kimi ulduzlar... Həmin vaxt uzun fasilədən sonra İspaniya çempionu olan, 3 ildə 2 dəfə Çempionlar Liqasında final oynayan “Atletiko”nun bazaya gəlişi...
2010-cu ildə qazanılan kuboku sevincini elə bazada yaşamışdıq. Finaldan dərhal sonra Hafiz Məmmədovun tapşırığı ilə bütün futbolçular xanımları ilə birgə, əsl komanda, bir ailə kimi qazanılan uğuru səhərə kimi bazada qeyd etmişdik... O bazada mütəmadi olaraq ailələrindən ayrı düşən, akademiyada məskunlaşan azyaşlı futbolçular üçün Novruz bayramı, Yeni il şənlikləri təşkil olunardı. Başqa hansı klubun bazasında həmin bayramların məşhur personajları olan Keçələ, Kosaya, Şaxta Babaya, Qarqıza rast gəlmisiz?..
Ora bizim evimiz idi. Hər daşı, kəsəyi bizə əziz idi. Çünki 29 milyona başa gələn tikinti gözümüzün qabağında aparılırdı. Elə olurdu ki, qışda üstünü qar örtmüş meydanı təmizləmək, məşq saatına qədər hazır olması üçün hər birimiz, hətta klubun rəhbər şəxsləri belə əlinə bel götürüb qazonu qardan təmizləyirdi. Çünki ora bizim evimiz idi...
Amma indi evimizi sökdülər, dağıtdılar. Hər daş parçası bizə əziz olan evimizi uçurtdular. Detallara varmaq istəmirəm, amma əminliklə deyirəm ki, bazanın nəinki sökülməsi, hətta əsl sahiblərindən başqa bir şəxslərə, şirkətlərə verilməsi tam haqsızdır. Ən qısa zamada həqiqət ortaya çıxacaq. Təəssüflər olsun ki, o zaman artıq gec olacaq.
Nə olur olsun, o evdə yüzlərlə insanın xatirəsi var, yüzlərlə azyaşlı futbolda ilk addımlarını məhz o evdə atmışdı. Hər dəfə bazanın yaxınlığından keçəndə fəxrlə “Buranı tanıyırsız da, Azərbaycan futbolunun XXI əsrdəki məbədidi” deyirdim. Yaxud klubun vicdanlı yetirmələri “fəxrlə mən futboldakı ilk addımlarımı məhz burda atmışam” deyirdi. 5 ildən sonra haranı göstərəcəyik? Yaşayış kompleksini? Dünyanın heç bir ölkəsində belə şey yoxdu. Heç uzağa getməyək, bir anlıq təsəvvür edə bilərsiz, hansısa tikinti şirkəti “Fənərbaxça”nın, “Qalatasaray”ın bazasını söküb, yerində yaşayış binası tikir? Əlbəttə, yox. Belə şey qeyri-mümkündü. Buna heç cəsarət belə etməzlər. Bizdə isə...
Göz görə-görə o boyda baza, akademiya söküldü. Amma çoxları buna susdu, o söküntüyə göz yumdu. Sanki heç “Bakı” adlı klub olmayıb. Sanki heç illərlə Azərbaycanın müxtəlif yaş qrupları üzrə komandalarını futbolçu ilə təmin edən “Bakı” akademiyası olmayıb.
Bir neçə gün əvvəl Tərtərə səfər edən dövlət başçımız əksər bölgələrdə olduğu kimi, orada da idman kompleksinin rəsmi açılışını etdi. Dövlətin idmana olan qayğısının nəticəsidir ki, bu gün demək olar ki, Azərbaycanın hər bir şəhər və bölgəsində idman kompleksləri tikilib və orada gənclərin idmanla məşğul olmaları üçün şərait yaradılıb. Amma bunun qarşılığında paytaxtda, gözümüzün önündə o boyda baza, akademiya söküldü. Heç kimin səsi də çıxmadı... Sanki belə də olmalıymış.
Mətbuat qınamıram, onsuz da Hafiz Məmmədovun maliyyə vəziyyəti dəyişəndən sonra “Bakı”ya qarşı ögey münasibət göstərilirdi. Amma heç olmasa, Azərbaycan futbolu naminə səsinizi çıxartmalıydınız. Cəmi 3-5 nəfər reaksiya verdi, vəssalam.
Mətbuat bir yana, klubun öz yetirmələrinin biganəliyi də anlaşılmazdı. Yalnız Aqil Məmmədov istisna təşkil etdi. Futbolda ilk addımlarını “Bakı”da atan “Neftçi”nin qapıçısı bu günlərdə “Futbol+”a müsahibəsində bazanın söküntüsü ilə bağlı xəbəri belə qarşıladı: “Elə bir xəbər oxumuşdum ki, yerində nəsə tikəcəklər. Amma inanmırdım. Düşünürdüm ki, qoymazlar, o boyda bazanı, akademiyanı sökməzlər. Deməyə söz tapmıram. Ora bizim evimiz idi. Allaha and olsun, özümü güclə saxlayıram, deməyə söz tapmıram. Elə bilirəm, orda doğulub-böyümüşəm. Uşaqlığım, gəncliyim, yetkinliyim orda keçmişdi elə bil. Ordan keçəndə ora necə baxacam indi?”
Hə, Aqil, evimizi sökdülər...
İBRAHİM
Şərh yazılmayıb
|
ŞƏRH YAZ
|
Çox oxunan xəbərlər
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Qurbanovdan nümunəvi addım
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- Prezidentin nəvəsindən Qara Qarayevə dəstək
- Azər Bağırov: “Futbolçular tapşırıqları icra etmirlər”
- Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
- Avropa çempionatında möhtəşəm nəticə
- 90-cı dəqiqədə meydana çıxdı, “Neftçi” - “Araz-Naxçıvan” oyununun ən yaxşısı seçildi
- Hakimlər “kimə işləyir”? - Araşdırma
- Klublar Komitəsinin iclası keçirilib
- “Futzaldır, minifutboldur, bizim mentalitetlə “1 nömrə” kimi oynamaq çətindir, o potensial bizdə yoxdur”
-
10:03
"Roma" "Bayer"lə bacarmadı VİDEO
-
09:47
Bakıda bədii gimnastika üzrə Avropa Kuboku start götürüb
-
09:30
"Sumqayıt" "Kəpəz"lə oyuna hazırlaşır FOTOLENT
-
22:21
"Şamaxı" "Zaqatala"ya qalib gəldi VİDEO
-
21:56
Millimiz Belarusa məğlub oldu
-
21:39
“Neftçi” mübarizəni dayandırdı
-
19:43
"Prezident Kuboku-2024": Azərbaycan avarçəkənləri günü 1 dəst medalla başa vurublar
-
19:12
"Qaradağ Lökbatan" 3 xalı 3 qolla qazandı VİDEO
-
18:27
“Qaradağ-Lökbatan” və “Şamaxı”dan qələbə
-
18:06
"Prezident Kuboku-2024": Azərbaycanın daha bir avarçəkəni medal qazanıb
-
17:45
Mohammed Kadiri: “Nəinki "Zirə, istənilən rəqibə qalib gələ bilərik”
-
16:38
İspaniyalı baş məşqçi: "Prezident Kuboku”nda iştirak hər bir idmançı üçün yaxşı təcrübə olacaq"
-
16:13
Yüksək Liqada mövsüm başa çatdı
-
15:00
İlk dəfə kata üzrə Azərbaycan birinciliyi keçirilib
-
14:49
"Prezident Kuboku": Azərbaycan avarçəkəni qızıl medal qazandı
-
14:22
"Neftçi" “Qarabağ”la matçın hazırlığını davam etdirir FOTOLENT
-
14:15
Millimizin sabiq üzvü “Əl-İttihad”da
-
13:07
Türkiyə avarçəkəni: “Prezident Kuboku” turniri həyəcanlı və maraqlı keçir"
-
12:31
Aygül Abdullayeva Estoniyada ən yaxşı hakimi seçilib
-
12:12
"Səbail" "Qəbələ" ilə oyuna hazırlaşır FOTOLENT
-
11:58
Klublar Komitəsinin növbəti iclası keçirilib
-
11:26
Avarçəkmə üzrə "Prezident Kuboku”nda ikinci yarış gününə start verilib
-
11:03
Fərid Mansurov: "Prezident Kuboku-2024"də azarkeş qismində iştirak etmək qürurvericidir"
-
10:34
"Həm hücumda, həm də müdafiədə aqressiv oyun sərgilədik"
-
10:12
Azərbaycanın güləş milliləri Bakıda toplanış keçirlər
-
09:59
"Traktor" əzəli rəqibi ilə heç-heçə etdi
-
09:47
"Borussiya" PSJ-ni məğlub etdi VİDEO
-
09:30
Minifutbol millimiz beynəlxalq turnirin qalibi oldu
-
18:19
Abu Dosso: “Sumqayıt”ın potensialı avrokuboklarda oynamağa imkan verir”
-
17:58
Bakıda keçiriləcək bədii gimnastika üzrə Avropa Kubokunun mükafat fondu açıqlanıb
-
17:42
Azərbaycanlı nümayəndə ilk dəfə Avropa çempionatında
-
17:25
Şahin Bağırov Azərbaycan voleybol millisinin üzvləri ilə görüşüb
-
17:03
Azərbaycanı Bakıdakı Avropa Kubokunda təmsil edəcək gimnastlar müəyyənləşib
-
16:51
"Qusar" Ağdaşdan qələbə ilə qayıtdı VİDEO
-
16:37
“Prezident kuboku-2024” reqatasının birinci gününə yekun vuruldu
-
15:44
Çingiz Hüseynzadə: "Bu yarış gənc avarçəkənlərimiz üçün böyük təcrübədir"
-
14:16
Premyer Liqamızda apreldə vurulan 5 ən gözəl qol VİDEO
-
14:08
AMADA təmiz idman təbliğatını Suqovuşanda davam etdirir
-
13:32
“Sərhədçi”nin baş məşqçisi: "Ümid edirəm ki, yaxşı oyunla qələbə qazanacağıq”
-
12:29
I Liqada hakim təyinatları açıqlandı
-
12:15
Prezident Kuboku-2024" reqatasının Füzulidə də keçirilməsi planlaşdırılır
-
11:53
Suqovuşanda “Prezident Kuboku-2024” reqatasının açılış mərasimi keçirilib
-
10:41
Millimiz Rumıniyaya uduzub, Bosniya və Herseqovinanı darmadağın edib
-
10:17
Ülviyyə Fətəliyeva: "Vətənimə qızıl medalla qayıtmaq qürurvericidir"
-
09:30
"Bavariya" - "Real" matçında 4 qol VİDEO
-
22:22
Azərbaycanın iki idmançısı Olimpiadaya vəsiqə qazandı
-
21:38
Pley-off start götürdü: “Neftçi” uduzdu
-
21:00
“Şahdağ Qusar” - “Füzuli” oyununda 6 qol VİDEO
-
18:49
II Liqada 23-cü tura yekun vuruldu
-
18:34
Millimizin “Böyük Dəbilqə” üçün heyəti açıqlanıb