Abubakar Sergen Yalçına söz atdı

"Neftçi"nin futbolçusu Vinsent Abubakar türkiyəli şərhçi Ertem Şenerə verdiyi müsahibədə “Beşiktaş”la çempion olduqları 2020/2021 mövsümünü də xatırlayıb. 

Futbolxeber.aza saytının məlumatına görə, o, bu uğuru baş məşqçi Sergen Yalçının yox, futbolçuların qazandığını bildirib:

"Sergen Yalçınla çempion olduğumuz dönəmdə o böyük işi bacaran və çempion olan biz futbolçular idik. O kuboku meydanda mübarizə aparan oyunçu qrupu qazandı. Hazırda komandanın baş məşqçisi eyni şəxsdir. Üstəlik, heyətdə çempion olduğumuz dönəmlə müqayisədə daha böyük adlar var. Sergen Yalçın bacarırsa, indi də komandanı çempion etsin".