"Qarabağ" da 1/4 finala yüksəldi

Azərbaycan kubokunda 1/8 final mərhələsi davam edir.

Futbolxeber.az saytının məlumatına görə, ikinci oyun günündə daha üç matç keçirilib.

"Şamaxı" evdə "Bakı Sportinq"i tək qolla üstələyib.

Həmçinin kubokun son sahibi "Sabah" səfərdə "İmişli"ni əlavə vaxtda məğlub edib.

Günün son matçında "Qarabağ" "Karvan-Yevlax"ı üstələyib.

Qeyd edək ki, 1/8 final mərhələsi bir oyundan ibarətdir. Ötən gün "Turan Tovuz" və "Zirə" 1/4 finala adlayıblar.

Əlavə edək ki, bu mərhələdə yalnız Azərbaycan Premyer Liqasının iştirakçılarının bir-biri ilə oynadığı görüşlərdə VAR sistemi tətbiq olunur.

Azərbaycan kuboku

1/8 final

3 dekabr

"Qarabağ" - "Karvan-Yevlax" - 3:0

Qollar: Nəriman Axundzadə, 80, Elvin Yunuszadə, 83-avtoqol, Nəriman Axundzadə, 89

Hakimlər: Əliyar Ağayev, Zeynal Zeynalov, Akif Əmirəli, Nicat İsmayıllı.

VAR: Rəşad Əhmədov.

AVAR: Emin Əliyev.

"Azərsun Arena"

"Şamaxı" - "Bakı Sportinq" - 1:0

Qol: Abdullahi Şuaybu, 69

Hakimlər: İnqilab Məmmədov, Namiq Hüseynov, Rahil Ramazanov, Elvin Bayramov.

Şamaxı şəhər stadionu

"İmişli" - "Sabah" - 1:2

Qollar: Coy-Lens Mikels, 59 (0:1), İbrahim Əliyev, 89-pen. (1:1), Kahim Parris, 96 (1:2)

Hakimlər: Kamal Umudlu, Vüsal Məmmədov, Şirmamed Mamedov, Əkbər Əhmədov.

VAR: Fərid Hacıyev.

AVAR: Vüqar Həsənli.

Quba OİK stadionu

15:00. "Qəbələ" - "Şəfa"

19:00. "Araz-Naxçıvan" - "Kəpəz"

19:00. "Difai" - "Sumqayıt"

2 dekabr

"Zirə" - "Neftçi" - 1:0

"Şahdağ Qusar" - "Turan Tovuz" - 1:2

1/4 finalda qarşılaşacaqlar:

“Turan Tovuz” / “Araz-Naxçıvan" - "Kəpəz" cütünün qalibi

“Zirə" / “Difai" - "Sumqayıt" cütünün qalibi

“Şamaxı" / “Qarabağ"

“Sabah" / “Qəbələ" - "Şəfa" cütünün qalibi