"Qarabağ" - "Ayaks" oyununun biletləri satışa çıxdı

UEFA Çempionlar Liqasının Liqa mərhələsi çərçivəsində keçiriləcək “Qarabağ” - “Ayaks” (Niderland) oyununun biletləri satışa çıxıb.

Futbolxeber.az saytının məlumatına görə, dekabrın 10-da Tofiq Bəhramov adına Respublika stadionunda keçiriləcək görüşün biletləri bu gün saat 15:00-dan etibarən satışdadır.

Standart biletlərin qiyməti 10, 15, 25, 35, 40, 50, 75 AZN;

VIP sektorlar: 200, 250, 300 və 400 AZN;

VVIP sektorlar: 1000 AZN-dir.

Biletlər yalnız iTicket.az-ın mobil tətbiqi və saytı üzərindən əldə edilə bilər.

Onlayn bilet alışı ilə bağlı çətinlik yarandıqda azarkeşlər iTicket.az-ın satış məntəqələrinə, Park Bulvardakı “Qarabağ” FK-nın Fan-Şopuna və Tofiq Bəhramov adına Respublika stadionunun kassalarına müraciət edə bilər.

“Qarabağ” klubu azarkeşlərə bildirir ki, saxta biletlərə aldanmayın. Stadiona giriş yalnız QR bilet ilə mümkün olacaq.