Elvin Məmmədov istefasını şərh etdi: “Səbail”in bunu bacaracağına inanıram”

“Səbail”lə yollarını ayıran Elvin Məmmədov istefasını şərh edib.

Futbolxeber.az saytına açıqlamasında mütəxəssis ona verilən dəstək üçün klub rəhbərliyinə təşəkkür edib:

“İlk növbədə, mənə bu şansı verdiyinə görə “Səbail” PFK-nın rəhbərliyinə təşəkkür edirəm. Həqiqətən bir gənc çalışdırıcıya etibar edib həm Premyer Liqada, həm də I Liqada şans vermələri çox böyük addım idi. Mən də bu müddət ərzində bacardığımı etdim, bu klubun inkişafı üçün çox çalışdım".

E.Məmmədov istefa qərarının səbəbini belə izah edib:

"Bəzən nələrinsə alınmadığını görəndə özün addım atmalısan. Bu səbəbdən istefa ərizəmi yazıb rəhbərliyə təqdim etdim və klubla qarşılıqlı razılıq əsasında yollarımız ayrıldı. Çox istərdim ki, “Səbail” mövsümü lider kimi başa vurub yenidən Premyer Liqaya qayıtsın. Komandanın bunu bacaracağına da səmimi qəlbdən inanıram. Klub rəhbərliyinə, bütün azarkeşlərimizə mənə göstərdikləri dəstəyə görə bir daha təşəkkür edirəm”.

TAĞI