“Neftçi”nin yeni baş məşqçisi bilindi - SON DƏQİQƏ

Samir Abasovla yollarını ayıran “Neftçi”nin yeni baş məşqçisinin kimliyi müəyyənləşib.

Futbolxeber.az saytının əldə etdiyi məlumata görə, bir müddətdir Yuri Vernidubla aparılan danışıqlar artıq yekunlaşıb. Ukraynalı mütəxəssis qarşıdakı günlərdə Bakıda olacaq və onunla rəsmi müqavilə imzalanacaq.

Dekabrın 8-də Azərbaycan Premyer Liqasının 14-cü turunda “Sabah”a qarşı keçiriləcək oyuna isə komandanı əvvəlki iki matçda olduğu kimi, yenə də Sənan Qurbanov çıxaracaq.

Ehtimal var ki, Yuri Vernidub həmin matçı tribunadan izləsin. Ukraynalı mütəxəssisin təyinatı məhz “Sabah”la oyundan sonra açıqlanacaq.