Vensan Abubakar: “Azərbaycan çempionatı kənardan asan görünsə də...”

“Artıq bu komandaya uyğunlaşmışam, adaptasiya mərhələsini geridə qoymuşam”.

Futbolxeber.az saytının məlumatına görə, bu sözləri "Neftçi"nin hücumçusu Vensan Abubakar Türkiyənin tanınmış futbol şərhçisi Ertem Şenerə müsahibəsində deyib.

Kamerunlu ulduz futbolçu komandasına kömək üçün əlindən gələni edəcəyini bildirib: “Əvvəlki komandalarımda necə mübarizə aparmışamsa, burada da var gücümlə çalışacağam”.

Afrikalı forvard Premyer Liqamız və Azərbaycan haqqında da fikirlərini bölüşüb: “Çempionat kənardan asan görünsə də, belə deyil. Çətin liqadır. Azərbaycana gəlincə, çox gözəl ölkədir. Türkiyədən fərqli tərəfləri var. Bu ölkə haqqında yalnız xoş sözlər deyə bilərəm. Məsələn, insanlar futbolçulara hörmətlə yanaşırlar. “Neftçi” təşkilatlanmış komandadır, burada hər şey yüksək səviyyədədir.