10 Mart 2026, Çərşənbə axşamı
Vernidub: "Məğlubiyyətə layiq deyildik”
Kurban Berdıyevdən qələbə şərhi
Azər Bağırov: “Biz iki xal itirdik”
Sadıqov: “...maraqlı deyil”

Ölkə futbolu

Füzuli Məmmədov: "Mütləq güclənməliyik"

"Karvan-Yevlax" Azərbaycan Kubokunun 1/8 final mərhələsində "Qarabağ"a 0:3 hesabı ilə uduzaraq turnirdə mübarizəni dayandırıb.

Futbolxeber.az saytının məlumatına görə, Yevlax klubunun məşqçisi Füzuli Məmmədov oyundan sonra keçirilən mətbuat konfransında jurnalistlərin suallarını cavablandırıb:

- Gərgin oyun oldu. "Qarabağ"a qarşı oynamaq həmişə çətindir. Futbolçularım bu gün çox əzmkarlıq, fədakarlıq göstərdilər. Hər bir fubtolçuya təşəkkür edirəm. Uduzduq. "Qarabağ"a qalib gəlmək çətindir. Kubokda mübarizəni dayandırdıq, bundan sonra çempionata köklənəcəyik. Bütün matçlara maksimum nəticə üçün çıxacağıq.

- Niyə çempionat oyunundakı ssenari təkrarlandı?

- Təhlil etmişdik. Hər oyundan qabaq və sonra həm rəqibi, həm də özümüzü təhlil edirik. Səbəb aydındır. Futbolçularımız fiziki cəhətdən tam hazır deyillər. Məşqlərdə çox əzmkarlıq göstərirlər. "Qarabağ"a qarşı oynamaq çətin olur. 80-ci dəqiqədən sonra bir az yorğunluq hiss edilir. Onda da səhvlər yaranır.

- Sizin gəlişinizdən sonra müdafiədə intizam hiss olunur. "Qarabağ"la oyunlar sizə ümid verir?

- "Qarabağ"a qarşı hücum futbolu oynamaq çətindir. Məcbur edirlər ki, müdafiə olunasan. Oyunçularım əzmkarlıq göstərirlər. Oyun intizamını sona qədər qorumağa çalışdılar. Hər matçda müdafiə olunmayacağıq. Epizodumuz da var idi. Əgər "Qarabağ"a qarşı epizodun varsa, dəyərləndirməlisən.

- Büdcə imkan verir ki, qışda heyəti gücləndirəsiniz?

- Mütləq güclənməliyik. Qarşıda 3 oyunumuz var. Bütün diqqətimiz həmin oyunlaradır. İmkandan yararlanmağa çalışacağıq.








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2026
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30 31