Azər Bağırov: “Qələbəyə çox inanırdım”

"Kəpəz"in baş məşqçisi Azər Bağırov Azərbaycan kubokunun 1/8 final mərhələsində "Araz-Naxçıvan"a qalib gələrək (1:0) 1/4 finala adlamaqları haqda fikirlərini bölüşüb.

Futbolxeber.az saytının məlumatına görə, mütəxəssis görüşdən sonra təşkil olunan mətbuat konfransında deyib:

"Düşünürəm ki, azarkeşlərimiz, ümumiyyətlə hamımız üçün maraqlı oyun oldu. Nədənsə, qələbəyə çox inanırdım. Keçən oyundan bəri oyunçularla "Araz-Naxçıvan" barədə danışmışdıq. Səhvsiz oynasaq, qələbə qazana bilərik. Düşünürəm ki, müdafiədə bu gün yaxşı oynadıq və lazımi qələbəmizi qazandıq".