Karantin qaydaları yumşalsa da, Azərbaycan Premyer Liqası ilə bağlı qadağa dəyişmədi

Bu gün Azərbaycanda xüsusi karantin rejimində bir sıra məhdudiyyətlərin yumşaldılacağı açıqlansa da, idman sahəsində tətbiq olunan qadağalar qüvvədə qalıb.

Bu barədə Nazirlər Kabineti yanında Operativ Qərargah məlumat yayıb.

Bütün kütləvi tədbirlər, o cümlədən, mədəni-idman tədbirlərin keçirilməsinin, idman zallarının fəaliyyəti, idman, sağlamlıq-bərpa üzrə xidmətlərin dayandırılması (bu sahədə tibbi xidmətlər istisna olmaqla) qərarının ən azı mayın 31-dək qüvvədə qaldığı bildirilib.

Beləliklə, Azərbaycanda idman yarışları, o cümlədən, futbol oyunları qarşıdakı günlərdə bərpa olunmayacaq.