Miçel Azərbaycandakı qaydaların sərtliyindən danışdı

“Qarabağ”ın futbolçusu Miçel Azərbaycanda koronavirusla bağlı durum haqda danışıb.

Futbolxeber.az saytının məlumatına görə, ispan futbolçu ölkəsinin mətbuatına açıqlamasında deyib ki, burada 1100-dən çox insan koronavirusa yoluxub: “Aprelin 20-dək evdə qalmalıyıq”.

O bildirib ki, ərzaq almaq üçün gündə yalnız iki saat çölə çıxa bilərlər: “Bunu edərkən sms göndərməliyik".

Miçel qaydaların sərt olduğunu və hər şeyin düzələcəyinə ümid etdiyini vurğulayıb.

İspaniyalı legioner ölkəsi barədə də danışıb:

“İspaniyadan görmək istədiyim - ölkəmin çox yaxşılaşmasıdır. Ümid edirəm ki, hər şey daha az ölümlə həll olacaq. Məşqə və futbola ən qısa vaxtda qayıtmaq hamımızın istəyidir".