“Zirə”nin legioneri: “Fransada vəziyyət Azərbaycandan 20 dəfə pisdi”

"Futbolsuz dövr futbolçu üçün çətindi. Sevimli məşğuliyyətimiz üçün çox darıxıram".

Futbolxeber.az saytının məlumatına görə, bu fikirləri sport24.az-a açıqlamasında "Zirə"nin fransalı legioneri Şafik Tiqrudja bildirib.

Yarımmüdafiəçi Bakıda karantin günlərini ailəsiylə keçirdiyi söyləyib: "Yaxşı formada qalmaq üçün hər gün evdə məşqlər edirəm Çempionatın bərpa olunacağına inanıram. Məncə, UEFA çempionatları bərpa edəcək və oyunlara davam edəcəyik. Çempionat bərpa olunmasa və hazırki vəziyyətdə bitərsə, buna çox məyus olaram".

Şafik vətənində bu virusla bağlı vəziyyət haqda da danışıb: "Fransada vəziyyət Azərbaycandan 20 dəfə pisdi. Artıq 12 min ölüm var. Hər gün valideynlərimlə, dostumla danışıram. Çox şükür ki, bugünə kimi onlardan heç kim bu virusa yoluxmayıb".