"Qəbələ" qələbəyə layiq idi”

"Sabah"ın baş məşqçisi Jelko Sopiç Azərbaycan Kubokunun 1/4 final mərhələsində "Qəbələ"yə səfərdə 0:3 hesabıyla uduzduqları qarşılaşmadan sonra mətbuat konfransı keçirib.

- İlk növbədə rəqibi təbrik edirəm. Bu gün çox ağıllı futbol oynadı. "Qəbələ" qələbəyə layiq idi. Bir sıra futbolçuları oyunda fərq yaratdı. İkinci hissə haqda bir şey deyə bilmərəm. Ancaq onu deyə bilərəm ki, futbol qol vurmaq üçündü. Keyfiyyət bu oyunda öz işini gördü.

- Komandanızın bu potensialı cavab matçında nəyəsə ümid verirmi?

 - Həyatda çox optimist insanam. Çox ümid edirəm. Növbəti matçda gərək bütün gücümüzü qoyaq. Son 3 oyunda qol vurmamışıq. Bu, hücumda keyfiyyətsizliklə bağlıdı.

- Bu matçdan sonra qış fasiləsində gedəcək futbolçular siyahısına hansılarsa əlavə olundu?

- Bu, imkanlarımıza bağlıdı. Bilirik ki, bizə nə lazımdlı. 25 asma ediriksə, təhlükə yarada bilmiriksə, bu barədə düşünməyə dəyər.

- İlk dəfə Qəbələdə oldunuz. Necə müqayisə edərdiniz burdakı şəraiti Xorvatiyayla?

- Xorvatiyada heç kimin belə 11 meydançası yoxdu. Bu, çox yüksək göstəricidi. Bizdə demək olar belə şəraitə malik komanda yoxdu (sport24.az).