“Azərbaycan millisinin hazırkı heyətində istedadlı futbolçular var”

Lixtenşteynin 21 yaşadək futbolçulardan ibarət milli komandasının baş məşqçisi Martin Stocklasa yığmamızla görüş haqda danışıb.

Futbolxeber.az saytının məlumatına görə, o, görüşün heç-heçə başa çata biləcəyini qeyd edib:

“Həm Azərbaycanın, həm də bizim qol vurmaq üçün şanslarımız oldu. Oyun heç-heçə də başa çata bilərdi. Azərbaycan millisi daha ehtiyatlı oynadı. Amma bu komandalar arasında keçirilmiş ilk oyunda vəziyyət belə deyildi. Onda komandalar fərqi oyun nümayiş etdirmişdi.

Vaxtilə bura futbolçu kimi də gəlmişdim. O vaxtdan hər iki ölkənin yığma komandalarının inkişaf etdiyini, nəticələrini yaxşılaşdırdığını vurğulaya bilərəm. Azərbaycan millisinin hazırkı heyətində istedadlı futbolçular var”.