“Qəbələ” APOEL-lə heç-heç etdi

“Qəbələ”nin 19 yaşadək futbolçulardan ibarət komandası UEFA Gənclər Liqasının Çempionlar yolunun I mərhələsi çərçivəsində bu gün ilk oyununu keçirib.

Futbolxeber.az saytının məlumatına görə, Famil Xəlilovun yetirmələri Kiprin APOEL klubu ilə qarşılaşıb. Matça fəal başlayan təmsilçimiz artıq 9-cu dəqiqədə hesabı açıb. Təbriz İsazadə "Qəbələ"ni hesabda önə keçirib. İkinci hissədə təzyiqi artıran meydan sahibləri hesabı bərabərləşdiriblər. Görüş elə 1:1 hesabı ilə yekunlaşıb. Səfərdə sərfəli nəticə qazanan "Qəbələ"ni mərhələ adlamaq üçün cavab oyununda qolsuz bərabərlik də qanə edəcək.

Qeyd edək ki, komandalar arasında cavab oyunu oktyabrın 24-də Qəbələdə keçiriləcək. Təmsilçimiz mərhələ adlayacağı təqdirdə "Saraqosa" (İspaniya) - "Korona Kielce" (Polşa) cütünün qalibi ilə üz-üzə gələcək.  

UEFA Gənclər Liqası

Çempionlar yolu

I mərhələ, ilk oyun

2 oktyabr

APOEL (Kipr) - “Qəbələ” (Azərbaycan) 1:1

Qollar: Təbriz İsazadə, 9 (0:1), Stavros Gavriel, 48 (1:1) 

Baş hakim: Furkat Atacanov (Qazaxıstan)

Nikosiya. “Makarion” stadionu