“Qarabağ” “Udineze”nin qapıçısını transfer edə bilmədi

İtaliyanın "Udineze" klubunun qapıçı Simone Skuffetin "Qarabağ"a keçidi baş tutmayıb.

Futbolxeber.az saytının məlumatına görə, Ağdam klubu 23 yaşlı qolkiperi sonradan birdəfəlik əldə edə bilməsi şərt ilə icarəyə götürmək istəyib.

Bunun üçün qarşı tərəfə 500 min avro təklif edildiyi, ancaq italyanların bu təkliflə razılaşmadığı bildirilib.

Qeyd edək ki, müqavilə ilə "Udineze"yə məxsus olan Simone Skuffet son olaraq Türkiyənin "Kasımpaşa" klununda icarədə olub.