“Qəbələ”nin daha bir yetirməsi Çexiya klubunda

"Qəbələ” Futbol Akademiyasının yetirməsi Samir Qurbanov karyerasını Çexiyada davam etdirəcək.

Futbolxeber.az saytının məlumatına görə, bu barədə futbolçunun meneceri Vaqif Heydərli sosial şəbəkə hesabında xəbər yayıb.

Heydərlinin vasitəçiliyi ilə 18 yaşlı yarımmüdafiəçi "Viktoriya Jijkov" klubu ilə iki illik müqavilə imzalayıb.

Qeyd edək ki, Samir Qurbanov Azərbaycanın U-19 yığma komandasının üzvüdür.

Xatırladaq ki, hazırda “Qəbələ”nin digər yetirməsi Fərid Nəbiyev də Çexiyada legioner həyatı yaşayır. O, “Slaviya” (Praqa) klubunda çıxış edir.