Franko Lerda: "Qarabağ"ı keçməyə cəhd edəcəyik"

“Partizani”nin baş məşqçisi Franko Lerda Çempionlar Liqasının birinci təsnifat mərhələsində qarşılacaqları “Qarabağ”la oyun haqda danışıb.

 

Futbolxeber.az saytının məlumatına görə, Lerda Ağdam klubu ilə görüş barədə bunları deyib:

 

“Birinci gün biz “Partizani” ilə anlaşdıq və işimə başladım. Bizim əsas məqsədimiz Çempionlar Liqasının “Qarabağ”la oyununa yaxşı hazırlaşmaqdı. Biz bu mərhələni keçməyə cəhd edəcəyik. Çünki bu həm motivasiya baxımından, həm də maddi cəhətdən bizə kömək olacaq. Mərhələni keçməyimiz Albaniya futbolunun imici baxımından yaxşıdı”.

 

İtaliyalı mütəxəssis Sloveniyadakı təlim-məşq toplanışı barədə də danışıb: “Biz daha sonra Tiranaya yollanacağıq. Futbolçularımla tanışlığım xoş oldu, onlar işləmək istəyir. Düzdü, hələ ki, komanda tam komplektləşməyib, amma “Qarabağ”la oyuna tam hazır olacağıq. Mən “Partizani”yə uğur qazanmaq üçün gəlmişəm. Ölkə xaricində təcrübə böyük motvasiyadı. Çempionlar Liqasındakı uğur isə böyük işdi”.