Ruslan Qurbanov: "Belə hesabla uduzmağa bəhanə ola bilməz"

Milli komandamızda çıxış etmiş Ruslan Qurbanov Futbolxeber.az saytına açıqlama verib.

 

Qurbanov yığma komandamızın son çıxışını dəyərləndirib. O, Slovakiya ilə matçdakı məğlubiyyətini belə şərh edib:

 

"Slovakiya yığması ilə görüşdə necə uduzduq? Rəqib hər yaratdığı şansdan istifadə etdi. Unutmayaq ki, rəqibin heyətində hansı səviyyədə futbolçular çıxış edirdi. Onların səviyyəsi hamıya məlumdu. Amma təbii ki, belə hesabla uduzmağa bəhanə ola bilməz. Futbolda belə şeylər olur. Əminəm ki, uşaqlar da çox üzüldü. Millimizin futbolçularına dəstək lazımdı, tənqid isə hər zaman olar. Hər halda bu vəziyyətdə azarkeşlər də haqlıdı. Bu məğlubiyyətlərdən sadəcə dərs çıxarmaq  və irəliyə baxmaq lazımdı".

 

Hücumçu millimizin AÇ-2020-nin seçmə mərhələsində ardıcıl üç oyunu uduzmasına baxmayaraq qarşıdakı görüşlərdə millimizin uğurlu nəticə qazanacağına inanır:

 

"Məncə, millimiz qarşıdakı oyunlardan xal qazana bilər. Futbolda mümkünsüz heç nə yoxdu. Əsas odu ki, dərs çıxarıb və irəliləmək lazımdı".