Qaysumov: "Obradoviçə qarşı oynamamışam"

Milli komandamızın sabiq futbolçusu Deni Qaysumov U-21 yığmamıza yeni baş məşqçi təyin olunan Milan Obradoviç haqda danışıb.

Futbolxeber.az saytına açıqlama verən Qaysumov Obradoviçə qarşı futbolçu kimi oynamadığını, ancaq onu tanıdığını bildirib: “Təbii ki, Obradoviç haqda pis heç nə deməyəcəm. Komandamız rəsmi oyunlar keçirməmiş də bir şey demək çətini. AFFA hər şeyi daha yaxşı bilir və Obradoviçi U-21 yığmasına baş məşqçi təyin etməyə qərar verib.

Demək ki, Obradoviçin yığmamıza kömək edəcəyinə inanırlar. Bizə də sadəcə yığmamızdan səviyyəli oyun gözləmək qalır. Burada işin metodikası da önəmıidi. Uşaqlara oyun stilini aşılamaq üçün vaxt lazımdı. Burada tərcüməçinin də işi önəmlidi. Çünki nüanslar çoxdu. Ümidvaram ki, Azərbaycanda istedadlı gənclər parlayacaq və yığmadan istədiyimiz nəticəni görəcəyik.

Təbii ki, futbolçu kimi də tanıyırdım onu. Amma Obradoviçə qarşı oynamışam ya yox, onu xatırlamıram. Səhv etmirəmsə, qarşı-qarşıya gəlməmişik”.