Millimizin üzvü: "Beşiktaş"da əsas komandada qalmaq istəyirəm"

“Ümraniyespor” və “Afyonspor” başda olmaqla bir neçə klubun maraq dairəsində olan Hüseyin Seyliğli böyük ehtimalla “Beşiktaş”da qalacaq.

Futbolxeber.az saytının məlumatına görə, 21 yaşlılardan ibarət yığma komandamızın müdafiəçisi hələ ki, heç bir komandaya icarəyə yollanmayacağını bildirib.

O, saytımıza açıqlamasında da “Beşiktaş”da qalacağını bildirib: “İcarəyə yollanacammı? Hələ ki, tam dəqiq bir söz deyə bilməyəcəm. Çünki hələ ki, “Beşiktaş”dayam. Necə olacağını indidən dəqiq deyə bilmərəm.

Təbii ki, “Beşiktaş”da əsas komandada qalmaq istəyərəm. Necə olacağını hamımız birlikdə görəcəyik. Ümidvaram ki, hər şey yaxşı olar”.