"Vardar"la daha yaxşı oynadıq"

“Sumqayıt”ın kapitanı Vurğun Hüseynov Futbolxeber.az saytına açıqlama verib:

 

O, komandasının toplanışdakı çıxışını dəyərləndirib. Əsasən də son görüş barədə fikirlərini bölüşüb: "Vardar”la oyunu komanda şəklində yaxşı keçirdik. Kimə şans verildisə, o da özünü yaxşı tərəfdən göstərdi. Oyunu yaxşı səviyyədə keçirdik və qalib gəldik. Özümüz istəyirdik ki, qələbə qazanaq. Çünki elədiyimiz məşqlərin bəhrəsini ancaq oyunlarda görmək mümkündü. Yeni transferimiz Peyman, yaxşı futbolçudu, sürətlidi, bizə xeyri dəyəcək.

 

“Vardar”la oyundan əvvəlki iki görüşdə də pis oynamamışdıq. Amma “Vardar”la oyunu daha da yaxşı oynadıq. Toplanışımız yaxşı keçir, səhvlərimizi Ayxan Abbasov analiz edir və onların üzərində işləyib çempionata qədər minimuma endirməyə çalışacağıq. Ümidvaram ki, çempionatda yaxşı oyunlarımız daha da çox olacaq və xallar qazanacağıq”.