Foqts: "Ayntraxt" "Qarabağ"ı asanlıqla keçəcəyini düşünürsə, yanılır"

Milli komandamızın baş məşqçisi Berti Foqts Almaniya mətbuatına verdiyi açıqlamada Avroliqanın play-off mərhələsində "Aayntraxt"ın rəqibi olan "Qarabağ" haqda danışıb. Futbolxeber.az-ın məlumatına görə, Foqts həmyerlilərinə "Qarabağ" haqda xoş sözlər deyib: "Ötən mövsüm “Qarabağ”ın bəxti çox gətirmədi. Bu üzdən də onlar Azərbaycan çempionatını 2-ci pillədə başa vurdu. Mənim fikrimcə isə Azərbaycanın ən yaxşı komandası “Qarabağ”dır. “Ayntraxt” “Qarabağ”ı asanlıqla keçəcəyini düşünürsə, yanılır. Çünki Almaniya təmsilçisi sürprizlə qarşılaşa bilər".

Foqts həmçinin “Qarabağ”ın heyətinin çox yaxşı qurulduğunu, komandanın səviyyəli legionerlərə malik olduğunu, "Qarabağ” tarixi bölgə olan Qarabağı, Ağdamı təmsil etdiyini, 1993-cü ildə Dağlıq Qarabağ münaqişəsi zamanı ermənilərin bu şəhəri işğal etməsindən sonra isə komandanın ev oyunlarını Bakıda keçirməsinindən söz açıb.