"Ümid edirəm ki, “Qarabağ” üçün Londonda hər şey yaxşı başa çatacaq"

"Arsenal"a qarşı oynamaq “Qarabağ” üçün çox çətin olacaq". 

Bunu Futbolxeber.az saytına açıqlamasında “Qarabağ”ın sabiq futbolçusu Artim Şakiri deyib.

Vaxtilə Ağdam klubunun şərəfini qorumuş makedoniyalı İngiltərədə də oynayıb. O, “Qarabağ”ın AL-in qrup mərhələsi çərçivəsindəki son görüşündə “Arsenal”a qarşı keçirəcəyi görüş haqda fikirlərini bildirib.

Onun sözlərinə görə, “Qarabağ” üçün bu oyunda bir xal da yaxşı nəticə sayılacaq: “Əlbəttə ki, “Arsenal” oyunun açıq-aşkar favoritidi. “Qarabağ”ın isə itirəcəyi bir şey yoxdu. Meydana çıxıb sona qədər mübarizə aparacaqlar. Ümid edirəm ki, “Qarabağ” üçün Londonda hər şey yaxşı başa çatacaq”.