Corc Leroy: "Biz bu oyunu Riçardın xətrinə udmalıyıq"

"Gefle" bu dəfə müdafiədən oynamayacaq. Çünki onlar qol vurmalıdırlar. Müdafiəçiləri də hücuma daha çox qoşulacaqlar". Bu sözləri 1news.az saytına verdiyi açıqlamada "Qarabağ"ın üzvü Corc Leroy deyib.

Leroy matçı kənardan izləyəcək komanda yoldaşı Rkçard Almeyda haqda da danışıb: "Əlbəttə, Riçard komandamız üçün vacib oyunçudur. O meydanda böyük həcmli iş görür. Amma komandamızda onu əvəcləyə biləcək futbolçular var. Biz bu oyunu Riçardın xətrinə udmalıyıq".

Leroy hələ ki play-offa haqda düşünmədiklərini qeyd edib: "Komanda yoldaşlarımla bu haqda danışmışıq. Lakin hamımız bilirik ki, "Gefle"ni keçməmiş play-offdakı rəqib haqda düşünməməliyik. Biz hər dəfə növbəti oyun haqda düşünürük. "Gefle"ni məğlub etdik, "İnter"lə oyuna kökləndik. İndi də yenidən isveçlilərlə qarşılaşacağıq".