Abdulaye: "Almeydadan üzr istədim"

"Həmin epizodda mən topa gedirdim. Nəzərə alın ki, mən hətta qaydanı pozmadım". Futbolxeber.az-ın məlumatına görə, bu sözləri "İnter"in müdafiəçisi Brüs Abdulaye deyib.  Premyer Liqanın ilk turunda "Qarabağ"a qarşı baş tutan matçda Riçard Almeydanı zədələyən Brüs Abdulaye "İnter"in saytına verdiyi açıqlamada  rəqibindən üzr istədiyini bildirib: "Mən məhz belə olduğuna görə çox təəssüflənirəm. Mən ona zədə yetirmək istəmirdim, sadəcə futbol belədir və heç bir futbolçu belə zədələrdən sığortalanmayıb. Mən özüm tez-tez belə zədələr alıram. Son matçlardan birində tam bir hissəni başısarıqlı oynamağa məcbur oldum. Riçard Almeyda meydanı tərk edən zaman ona yaxınlaşdım və vəziyyətilə maraqlandım. O, dedi ki, vəziyyəti normaldır. Sonra mən ona zəng etdim və üzr istədim. O da cavab verdi ki, məndən inciməyib. Bizim aramızda hər hansı bir problem yoxdur”.