"Milli komandadan yaxşı nəticə gözləyirdim"

Milli komandamızın formasını geyinmiş Deni Qaysumov Futbolxeber.az saytına açıqlama verib. O, yığma komandamızın Millətlər Liqasının qrup mərhələsinin son oyununda Kosova ilə görüşdəki məğlubiyyətini şərh edib: “Düzünü desəm, yaxşı nəticə gözləyirdim. Ancaq hər dəfə gözlədiyin nəticə olmur. Malta ilə oyundakı iki bərabərlik də yaxşı olmadı.

Millətlər Liqasında ilk ilimiz idi, ilk təcrübə idi. Nələrisə düzəltmək, üzərində işləmək lazımdı. Kosovaya qarşı oynadığımız oyunlar olacaq, bu cür oyunlarda müdafiədə daha diqqətli olmaq lazımdı. Təbii ki, həlledici oyunda uduzmağımız üzücüdü.

Ancaq qarşıda tsikl var. İnanıram ki, yığmamız həmin turnirdə layiqli mübarizə aparacaq”.