"Bu gün bizim üçün tarixi gün olmalıdı"

Bu gün Millətlər Liqasının qrup mərhələsi çərçivəsində Azərbaycan millisi son oyununa çıxacaq.

Futbolxeber.az saytının məlumatına görə, Qurban Qurbanovun baş məşqçisi oldu]u millimiz Kosovo ilə oynayacaq. Milli komandamızın sabiq forvardı Vüqar Əsgərov saytımıza açıqlama verib.

O, matçla bağlı danışıb: “Bu oyunu bütün Azərbaycan gözləyir. Azərbaycan ilin ən vacib oyununa çıxır. Bugünki oyunda nə olursa-olsun qalib gəlmək vacibdi, fərqi yoxdu hansı hesab olur-olsun. Əsas odu ki, Kosovodan üç xalı gətirsin millimiz. 90 dəqiqə ərzində hər şeyi etmək olar. Mən Azərbaycan yığmasına inanıram və onlara ürəkdən uğurlar arzu edirəm. Bu gün bizim üçün əsl tarixi gün olmalıdı. Ümidvaram ki, hər şey Azərbaycan millisi üçün yaxşı olacaq”.