"İstər-istəməz psixoloji gərginlik ola bilər"

"Millimiz Farer adaları ilə görüşdə ilk dəqiqələrdən aqressiv başlamışdı. Bunun məntiqi nətcəsindədi ki, ilk yarıda 2:0 qalib gəlmişdik. Baş məşqçi tərəfindən də tez qol vurmaq tapşırığı verilmişdi. Çünki gec qol vursaydıq rəqib daha arxayın oynayacaqdı. Bizdə isə tələskənlik ola bilərdi. Əsas odu ki, çətinliyə baxmayaraq millimiz yaxşı oyum gösyərib vacib üç xalı qazandı".

 

Bu sözləri Futbolxeber.az saytına açıqlamasında milli komandamızın sabiq üzvü Aqil Nəbiyev deyib. 

 

Azərbaycan millisinin şərəfini qorumuş Nəbiyev milli komandamızın sabah Kosovo yığmasına qarşı da keçirəcəyi görüşlə bağlı danışıb: "Millimiz Kosovo ilə final oyununa yollanıb. Təbii ki, bu görüşün mahiyyətini, məşqçilər də, futbolçular da gözəl dərk edir. İstər-istəməz rəqib daha rahat oynayacaq. Çünki bizdən iki xal öndədi. Millimizdə futbolçular var ki bəlkə də karyeralarının ən vacib oyununa çıxacaq. İstər-istəməz psixoloji gərginlik ola bilər. Ancaq inanıram ki, bu oyunumuza yansımayacaq. Millimizə çox inanıram. Səfərdən üç xalla qayıdıb qrupun lideri ola bilərik. Futbolçular və məşqçilər də bu oyuna final kimi hazırlaşıb, çıxacaqlar".

 

"Futbol kollektiv oyunudu. Biz sabah fərdi keyfiyyətlərə üstünlük versək, istəyimizə nail ola bilmərik. Ancaq bəzi epizodlarda fərdi ustalıq lazımdı ki, komandaya xallar qazandırılsın. Komandamıza uğurlar arzu edirəm. İnanıram ki, oyundan sonra bayram edən tərəf biz olacağıq" - deyə, Aqil Nəbiyev fikirlərini yekunlaşdırıb.