Farer adalarının müdafiəçisi Azərbaycanla oyun haqda: "Ən idealı..."

Farer adaları yığmasının müdafiəçisi Atli Qreqersen Millətlər Liqasının üçüncü turu çərçivəsində Azərbaycana qarşı keçirəcəkləri görüş haqda danışıb. Futbolxeber.az saytı həmin müsahibəni təqdim edir:

- Azərbaycanla oyunun hazırlıqları necə gedir?

- Hər şey yaxşıdı, sadəcə hava soyuqdu. Amma biz indi hava haqda yox,qrupdakı liderlik barədə düşünməliyik. Azərbaycana uduzmaq olmaz. Çünki uduzsaq, Kosova bizdən çox uzaqlaşacaq.

- Azərbaycan millisi haqda nə demək istəyərdin?

- Yaxşı komandadı. Onların heyətində texnikalı futbolçular var.

- Rəqibə qarşı necə oynamaq lazımdı?

- Ən ideal variant, erkən qol vurmağımızdı. O zaman oyun bizim istədiyimiz ssenaridə keçəcək. Konsentrasiyanı qəti itirmək olmaz. 

- Bizim komanda hansı durumdadı?

- Uşaqlar çətin oyuna hazırdı. Qarşıda bizi iki çətin oyun gözləyir. Ola bilsin ki, Kosova ilə görüş daha çətin keçsin. Amma indi bütün fikrimiz Azərbaycanla oyuna yönəlib (İn.fo).