"Neftçi"yə qarşı bir neçə dəfə oynamışam, problem olmayacaq"

“Neftçi” ciddi rəqibdi. Bu komanda “Qarabağ”la birlikdə çempionata başçılıq edir”. Bu sözləri Futbolxeber.az saytına açıqlamasında “Səbail”in forvardı Ruslan Qurbanov deyib.

Topaz Premyer Liqasının 6-cı turu çərçivəsində “Səbail” “Neftçi”nin qonağı olacaq. Uzun müddət “ağ-qaralar”ın formasını geyinmiş Qurbanov məhz sabiq komandasına qarşı oyuna köklənməyin onun üçün çətin olmayacağını söyləyib: “Biz oyunumuzu oyundan-oyuna daha yaxşı vəziyyətə gətirmək istəyirik. Əlbəttə ki, “Neftçi” ilə oyunda da qalib gəlmək istəyirik. Hamımız anlayırıq ki, bu mümkündü, ancaq çətindi.

Düşünürəm ki, “Neftçi” ilə oyuna köklənməyim problem olmayacaq. Axı “Neftçi”yə qarşı bir neçə dəfə oynamışam”.