Millimizin hücumçusu: "Malta zəif komanda deyil"

Milli komandamızın hücumçusu Ruslan Qurbanov Futbolxeber.az saytına açıqlama verib.

Forvard Malta ilə oyunöncəsi komandadakı atmosferin yaxşı olduğunu və görüşə qələbə qazanmaq üçün çıxacaqlarını bildirib: “Komandamızdakı atmosfer yaxşıdı. Məşqimiz də etmişik, oyunun başlayacağı vaxtı gözləyirik.

Malta zəif komanda deyil. Onlara qarşı əvvəllər də oynamışıq. Əlimizdən gələni edəcəyik ki, qalib gələk. Meydana da elə üç xal üçün çıxacağıq. İndi istənilən komanda futbol oynamağı bacarır. Ona görə də görüşün çətin keçəcəyini düşünürəm. Amma biz sona qədər mübarizə aparacağıq”.