Yığmamızın sabiq üzvü: "Portuqaliyada qala bilərdim, ancaq oradan ayrıldım"

U-21 yığmamızın sabiq futbolçusu Dmitri Nağıyev Futbolxeber.az saytına açıqlama verib.

Portuqaliyada legioner həyatı yaşamağa hazırlaşan Nağıyev sonda Litva klubu ilə anlaşdı. “Stumbras” klubu ilə anlaşan Nağıyev karyerasını məhz Kaunas təmsilçisinin heyətində davam etdirəcək: “Portuqaliyada oynaya bilərdim. Sadəcə elə alındı ki, oradan ayrıldım və Litvadan gələn təklifi dəyərləndirmək istədim. “Stumbars” klubunda da qarşımıza məqsədlər qoyulub. Əsas odu ki, yeni klubumda mənə güvənirlər. Çalışacam ki, bu komanda üçün əlimdən gələni edim və komandaya xeyir verim”.