Maksim Medvedev: "Kukesi"nin hansı səviyyədə olduğunu bilmirik"

"Qarabağ"ı "Olimpiya" ilə oyuna kapitan sarğısında çıxaran Maksim Medvedev oyundan sonra jurnalistlərə açıqlama verib.

 

Futbolxeber.az saytının məlumatına görə, Medvedev "Kukesi" barədə də danışıb:

 

“Əvvəlcədən də bilirdik ki, ağır rəqiblə düşmüşük. İstəmirdik belə bir rəqiblə oynayaq. Hər iki qarşılaşma çətin alındı. Bizim üçün ən önəmli olan nəticələr idi ki, biz də nəticə qazanıb növbəti mərhələyə vəsiqə qazandıq.

 

Bəli, növbəti mərhələdəki rəqibimiz “Kukesi”di. Onların hansı səviyyədə olduğunu bilmirik, sadəcə adını eştimişik. Albaniya komandasıdı, onlar hər zaman mübarizə aparırlar, fiziki gücə üstünlük verirlər. Fikirləşirəm ki, “Olimpiya”ya oxşayan komanda olacaq. Daha da möhkəm komanda olacağını düşünürəm. Ancaq rəqibi tam analiz edəndən sonra biləcəyik ki, onlara qarşı necə oynamaq lazımdı”.