"Qarabağ"ın buna imkan verməyəcəyini düşünürəm"

“Olimpiya” uzun illərdi ki, yüksək nəticələr qazanmaq üçün çalışır. Komanda Sloveniya çempionluğunu da layiqincə qazanıb. Çempionlar Liqasında da yaxşı nəticələr əldə etmək istəyir”.

Bunu Futbolxeber.az saytına açıqlamasında “Olimpiya”nın sabiq oyunçusu Culius Vobay deyib.

“Neftçi” və “Xəzər Lənkəran”da oynamış syerre-leonalı futbolçunun fikrincə, “Olimpiya” yaxşı komanda olmasına baxmayaraq, “Qarabağ”ı keçə bilməyəcək: “Qarabağ”ın güclü komanda olduğunu hamı yaxşı bilir. Fikrimcə, “Olimpiya” bu görüşlərdə yaxşı nəticə qazanmaq istəyəcək. Amma “Qarabağ”ın buna imkan verməyəcəyini düşünürəm. Məncə, növbəti mərhələyə elə “Qarabağ” adlayacaq”.