"Neftçi"nin “Uypeşt” səddini keçmə şansı 30 faizdi"

"Neftçi”nin keçmiş hücumçusu Fərid Quliyev Futbolxeber.az saytına açıqlama verib.

O, “ağ-qaralar”ın “Uypeşt” səddini keçmək şanslarını dəyərləndirib: “Neftçi” üçün “Uypeşt”ə qarşı asan olmayacaq. Çünki Macarıstan komandalarının hücum xətti yaxşı olur. Müdafiədə isə elə də güclü olmurlar. Keçmiş mövsümlərə baxanda “Uypeşt” çempionatı elə də güclü keçirməyib. Ancaq istənilən halda “Neftçi” üçün çox çətin rəqibdi. Çünki avrokuboklar təcrübəsi var “Uypeşt”in. “Neftçi” də hamı bildiyi kimi necə mövsüm keçirib. İndi də heyəti yenidən yığılır. Fikrimcə, “Neftçi”nin “Uypeşt” səddini keçmə şansı 30 faizdi”.

Hələ “Uypeşt” səddi keçilsə, “Sevilya” ilə qarşılaşacaq “Neftçi”. Düzdü, “Uypeşt”lə oyunda “Neftçi” üçün bu motivsiya ola bilər ki, “oynayaq mərhələ keçək “Sevilya”nı Bakıya gətirək”. Yəni bu “Neftçi” üçün motivasiya ola bilər. Əlbəttə ki, “Sevilya”nın necə komanda olduğunu hamı gözəl bilir. “Neftçi” “Sevilya” ilə qarşılaşsa, mərhələ keçmə şansı bir faiz ola bilər. Amma yenə də “Sevilya” kimi komanda ilə qarşılaşmaq özü motivasiyadı. “Uypeşt” keçilməz rəqib deyil, keçilə biləcək komandadı. Ancaq hazırki “Neftçi” üçün çox çətin rəqibdi.