Jumbinyo: "Qarabağ"a fayda verməyə gəlmişəm"

"Qarabağ"a dəvət gəldiyi zaman klub haqqında maraqlandım. Həfədləri, heyətini gördükdən sonra dərhal razılaşdım. Oyunlarını izlədkdən sonra doğru yerə gedəcəyimi düşündüm". Futbolxeber.az-ın məlumatına görə, bu sözləri "Qarabağ"ın yeni transferi - Marinaldo Cícero da Silva, ya da qısaca Jumbinyo deyib.

Ağdam klubunun rəsmi saytına verdiyi açıqlamada braziliyalı futbolçu iddialı olduğunu gizlətməyib: "Bilirəm ki, "Qarabağ" texnikalı futbol oynayır. Məndən də hər kəs eyni şeyi gözləyir. Oyun üslubum "Qarabağ"a uyğun gəlməsəydi, məni komandada görmək istəməzdilər. "Qarabağ"a fayda verməyə gəlmişəm. Bilirəm ki, əsas heyətdə yer almaq üçün çox çalışmalıyam. Faktiki, komanda  hazırda uğurlu çıxış edir. Amma mən də iddialıyam. Meydana çıxacağım günü səbirsizliklə gözləyirəm".