"Köln"ün sabiq qapıçısı: "Şehiçi əvəzləmək asan olmayacaq"

“Qarabağ”ı indiyə qədər izləyirəm. Bu komandanın bir parçası olmuşam deyə, indi də “Qarabağ”ın uğuruna sevinirəm”.

Bunu Futbolxeber.az saytına açıqlamasında “Qarabağ”ın sabiq qolkiperi Miro Varvodiç deyib. “Hayduk”, “Köln” klublarında oynadıqdan sonra 2012-ci ildə “Qarabağ”a keçən Varvodiç bir mövsüm sonra Ağdam klubundan ayrılaraq Almaniyaya yollanmışdı.

29 yaşlı kipper İbrahim Şehiçin komandadan ayrılmasına da münasibət bildirib. Onun fikrincə, bosniyalı kiperi əvəzləmək asan olmayacaq: “İbrahim Şehiç özünü ən yaxşı tərəfdən göstərə bilmişdi. “Qarabağ”dakı çıxışlarından sonra da elə Bosniya və Herseqovina yığmasında əsas qapıçı olmuşdu. Məncə, Şehiçi əvəzləmək asan olmayacaq. İstənilən halda “Qarabağ”ın ona əvəzləyici tapacağına inanıram”.