"Keşlə"nin legioneri: "Təkliflər var, yekun qərar verməmişəm"

“Hazırda istirahətdəyəm. İstirahəti başa vurduqdan sonra gələcək karyeramla bağlı düşünəcəm”. Bunu Futbolxeber.az saytına açıqlamasında “Keşlə”nin yarımmüdafiəçisi Ebrima Sohna deyib.

Başa çatan mövsümün qış fasiləsində “Keşlə”yə qoşulan qambiyalı qısa zamanda komandada əsas heyət üzvünə çevrilə bildi. Sohnanın bildirdiyinə görə ona digər klublardan da təkliflər var, ancaq hələ ki, o, yekun qərarını verməyib: “Başqa komandalardan təkliflər almışam. Amma mənim üçün bir nömrəli olan “Keşlə”di. Mən bu klubda özümü oyunçularla və məşqçi ilə çox yaxşı hiss edirəm”.