“İnter” üçün yubiley mövsümü

2013-2014-cü il Azərbaycan Çempionatı “İnter” üçün sayca 10-cu olacaq. Futbolxeber.az-ın məlumatına görəi, "bankirlər"in rəsmi saytı komandanın ölkə birinciliyindəki tarixi barədə material hazırlayıb.

2004/05: Birinci mövsüm-7-ci yer

Qalmaqal və boykotlardan yenicə uzaqlaşmış Azərbaycan futbolunda 2004/05-ci il mövsümü öncəsində bir necə yeni ambisiyalı klub meydana çıxdı. Onlardan biri də “İnter” idi. Anatoli Konkovun yetirmələri mövsümü pis başlamadılar və qız fasiləsinədək komanda cəmi iki dəfə məğlubiyyət acısını yaşadı. Lakin turnirin ikinci hissəsində “İnter”ə sabitliyi qoruyub saxlamaq mümkün olmadı, nəticədə klub mövsümü 7-ci yerdə başa vurdu. Komanda finiş xəttini 66 xalla keçdi.