Hüseyn Cəbrayıloğlu: "Bu çətin dönəmdə “Xəzər Lənkəran”ı qoyub heç yerə getməyi düşünmürəm"

“Bəlkə çıxacağamı demək istəyiblər, bilmirəm. İşimin başındayam və bu çətin dönəmdə “Xəzər Lənkəran”ı qoyub heç yerə getməyi düşünmürəm". Futbolxeber.az-ın məlumatına görə, bu sözləri "Xəzər Lənkəran"ın mətbuat xidmətinin rəhbəri Hüseyn Cəbrayıloğlu deyib.

Klub rəsmisi mətbuatda "Xəzər Lənkəran"dan ayrıldığı haqda yayılan xəbərləri təkzib edib.

Hüseyn Cəbrayıloğlu bildirib ki, son günlər "Xəzər Lənkəran"a qarşı hədsiz hücumlar var: "Mən jurnalist olan vaxtda “X-L” rəhbərliyi belə anoloji durumlarda deyəndə ki, “bizi istəməyən qüvvələr var” mənə qəribə gəlirdi, hər hansı klubu niyə istəməyən qüvvələr olsun? Amma indi özüm klubun içindəyəm. Görürəm ki, istəməyən qüvvələrlə yanaşı şərəf və əqidədən, peşəkarlıqdan uzaq nə qədər cəmiyyətdə insanlar var və sanki hamısı “X-L”nın qəsdinə durub. Burada söhbət sağlam tənqiddən yox, məqsədli və sifarişli tənqidlərdən, hücumlardan gedir. Bir sözlə belə bir şey yoxdur. Sonda deyim ki, bu mənə daha çox kimlərinsə manipulyasiyasi kimi gəldi”