Ramin Musayev: "Jurnalistlərin işini görməsinə heç kim müdaxilə edə bilməz"

Peşəkar Futbol Liqasının prezidenti Ramin Musayev idman jurnalistlərinin yaydığı birgə bəyanata münasibət bildirib. Futbolxeber.az-ın məlumatına görə, Musayev bundan sonra jurnalistlərin sərbəst şəkildə öz işini görməsi üçün hər cür şərait yaradılacağını bildirib: "Ötən mövsüm Azərbaycan kubokunun final matçında yaşananlar hər birimizin yadındadır. Bu matçdan sonra qərara gəldik ki, mühafizəçilərin müdaxiləsinin qarşısı alınmalıdır. Bundan sonra futbolçuların, məşqçilərin hakimlərin olduğu yerdə heç bir klub mühafizəçisi ola bilməz. Olarsa, həmin kluba 0:3 hesablı texniki məğlubiyyət veriləcək. Bu bənd artıq əsasnaməmizə əlavə edilib. Jurnalistlərin işini görməsinə heç kim müdaxilə edə bilməz. Onların sərbəst şəkildə öz işini görməsinə şərait yaradılacaq. Bundan sonra heç bir jurnalistə qarşı hörmətsizlik edilə bilməz".