“Sumqayıt” “Kəpəz”lə oyuna itki ilə hazırlaşır

Ötən tur “Səbail”lə qarşılaşan “Sumqayıt” istirahətin ardından “Kəpəz”lə qarşılaşmanın hazırlıqlarına start verib.

Futbolxeber.az-ın klubun saytına istinadən verdiyi məlumata görə, Samir Abasovun komandası “Kapital Bank Arena”da məşqə çıxıb.

Zədəsi olan Rəşad Eyyubov məşq prosesində iştirak etməyib. Hazırlıq ərzində müxtəlif toplu çalışmalar edilib. Məşq ikitərəfli oyunla yekunlaşıb.

Qeyd edək ki, “Kəpəz” - “Sumqayıt” qarşılaşması 4 may, saat 16:00-da Gəncə Şəhər Stadionunda keçiriləcək.