“Qalatasaray”dan qızıla bərabər qələbə

Türkiyə Superliqasında 29-cu turun oyunları keçirilir.

Futbolxeber.az saytının məlumatına görə, turun mərkəzi görüşündə çempionluq uğrunda mübarizə aparan “Qalatasaray” və “Başakşehir” birincinin meydanında üz-üzə gəliblər.

Görüş Fatih Terimin komandasının 2:0 hesablı qələbəsi ilə yekunlaşıb. Qolları Mariano (60-cı dəq.) və Emmanuel Adebayor (90-avtoqol) vurublar.

Bu qələbə sayəsində “Qalatasaray” yenidən liderliyə yüksəlib.

Sona 5 tur qalmış “Cim-Bom” 60 xalla zirvənin sahibidir. İkinci yerdəki “Beşiktaş” və üçüncü olan “Başakşehir”in 59 xalı var. “Fənərbaxça” isə 57 xalla dördüncüdür.